Arbitrat Jorge Larrionda dhe Roberto Rosetti nuk do të gjykojnë ndeshjet e mbetura të Kupës së Botës, pas gabimeve të bëra në raundin e dytë.
Komiteti i arbitrave i FIFA-s zhvilloi një mbledhje për të zgjedhur gjyqtarët e ndeshjeve çerekfinale, por uruguajani Larrionda dhe italiani Rosseti u lanë jashtë.
Larrionda ishte arbitër në ndeshjen Gjermani-Angli dhe nuk arriti të dallojë topin e goditur nga Frank Lampard, që përplasi traversën, kaloi vijën në brendësi të portës dhe doli sërish jashtë.
Ndërsa Rosseti drejtoi ndeshjen mes Argjentinës dhe Meksikës, ku e quajti të rregullt golin e parë të Argjentinës, të shënuar nga Carlos Tevez nga një pozicion
