‘2010-ta ishte viti më i mbrapsht për Maqedoninë dhe qytetarët saj’. Këtë vlerësim e dha sot kryetari i Demokracisë së Re, Imer Slemani, duke bërë një retrospektivë për vitin që e lëmë pas. Selmani theksoi se në vitin 2010 u shënuan një sërë padrejtësish ndaj popullit shqiptar, duke filluar nga buxheti, ligji për regjistrim, enciklopedia, skandalet me librat si dhe përfaqësimi i shqiptarëve në administratë. Kryetari i DR-së shpreson se viti 2011 do të jetë vit i kthesave të mëdha politike në vend. “Viti 2011 duhet të shënojë fitoren e demokracisë mbi diktaturën. Viti 2011 duhet ti thotë mjaft politikës antishqiptare të kësaj qeverie. Viti 2011 duhet të kthej Maqedoninë në binarët integrues në NATO dhe BE. Viti 2011 duhet ti thotë Qeverisë VMRO-DPMNE dhe BDI: mjaft ishte, ikni. Viti 2011 duhet të jet vit i zgjedhjeve të parakohshme parlamentare, vit kur politikanët duhet t’ia kthejnë mandatin popullit... Vetëm në këtë mënyrë, juve të nderuar qytetarë dhe shtetit do të mund ti ofrojmë stabilitet, marrëdhënie ndëretnike stabile, zhvillim ekonomik, mirëqenie sociale dhe integrim të shpejtë në NATO dhe BE” tha Imer Selmani, kryetar i DR-së
