Ardit
Numri i postimeve : 102 Web Page : 305 Join date : 21/11/2010
| Titulli: Pasaporta biometrike për 3 ditë në Kavajë, Peshkopi, Lezhë e Kukës Tue Dec 14, 2010 12:33 pm | |
| Ministria e Brendshme informon se shërbimi i kompanisë Aleat për prodhimin e përshpejtuar të pasaportës biometrike ofrohet në të gjitha qytetet qendër qarku si dhe në qytetet Lushnje, Sarandë e Kavajë.
Pas Tiranës, Shkodrës, Vlorës, Elbasanit dhe Durrësit, aplikimi për procesim të përshpejtuar të pasaportës biometrike mundësohet që prej datës 6 Dhjetor edhe në Korçë, 7 Dhjetor në Fier, 9 Dhjetor në Gjirokastër dhe që nga data 10 Dhjetor në Sarandë.
Ky shërbim ka filluar të ofrohet sot më 13 Dhjetor në Lushnje, më 15 Dhjetor do të fillojë të ofrohet në Kavajë dhe Peshkopi dhe më 17 Dhjetor 2010 do të fillojë të ofrohet për qytetarët në Lezhë dhe Kukës.
Pasaportat e prodhuara në mënyrë të përshpejtuar do të mund të tërhiqen nga qytetarët pranë drejtorive të Policisë së Shtetit në këto qarqe Aplikimi i përshpejtuar për pasaportë biometrike bëhet me anë të kuponave të posaçëm që kushtojnë 15 mijë lekë të reja dhe tërhiqen në zyrat e Posta Shqiptare për tu paraqitur më pas në zyrat e aplikimit ALEAT.
| |
|